Vergleich zwischen den Landgrafen Heinrich II. und Hermann

Regest-Nr. 1102

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Urk. 1, Nr. 1568 ⟨Altsignatur: Staatsarchiv Marburg, Samtarchiv, Schublade 75, Nr. 5⟩ (2 Ausfertigungen).
Stückbeschreibung:	Die eine Ausfertigung ist gut erhalten, die andere ist etwas beschädigt (lt. Findbuch).
Siegel:	Bei einer Ausfertigung fehlen zwei Siegel, bei der anderen fehlt eines (lt. Findbuch).
Drucke:	Wenck, Hessische Landesgeschichte 3 S. 205, Nr. 253.
Regesten:	Regesten der Erzbischöfe von Mainz 1,2, Nr. 5666, S. 576.
Literatur:	Rommel, Geschichte von Hessen 2 Anm. S. 94.

Regest

Graf Johann von Ziegenhain (Cyginhayn) und Thyderich und Heynrich, Gebrüder von Waldeck, vergleichen den Landgrafen Heinrich von Hessen mit seinem Bruder Hermann. Dabei wird bestimmt, daß Hermann dem Bischof und Stift von Mainz nicht gegen seinen Bruder beholfen sein soll.

Wortlaut der Datierung

Der geg. und geschr. ist 1348 uff den tag als unser herre zu hymel fur.

Originaltext

Wir Johan Greue von Cyginhayn, Thyderich vnd Heynrich gebrudere von Waldecken bekennen vffinliche an disme geynwortigin Bryue, das Wir vmme vfflouffe vnd Kryg dy da vffirstanden warin vnd vmme alle sache dy da werende sint gewest czuschin vnserme liebin Oheyme Heynrich Lantgrauen Hessin Landis vff eyne syten, vnd vnserme Oheyme Lantgrauen Hermann sime Brudere vff die andern syten mit yrer beidir gude willin vnd Virhengnisse sint genczliche eyner sune vnd Richtunge ubirkommen vnd ubirtragin jn allir der Wys vnd formen alz her nach stet geschriebin, Also das vnser Oheym Lantgraue Heynrich, Vnserme Oheyme Herman zu forn sin gelt sal lassin gefallin ane Vorezog an den stedin, der er bryue hat, das er bekummirt hatte. Vorwert so hant sy allir yre sache zu vyren gegangin vnd zu eyme fonfften, das sin wir greffe Johan vorgenant dar zu gekorn zu eyme obirmanne, czu deme erstin so sal Vnser Oheym Herman vnserme Oheyme Lantgrauen Heynrich noch siner schuldigunge nit wortin vmme den anegryff, ob er den muge geton habin mit Rechte an yme, vnd an sime Lande noch sinen bryuen vnd Virkundigunge, die er ouch getan hat, dy wyle er vzwendig landis was, Dysse vyre sollent daz richtin mit fruntschafft ob sy mugin, Kunnent sy abir der fruntschafft nicht treffin so sollint sy iz richtin mit deme rechtin, wo sy des nicht eyntrechtig wordin, so sullin sy das an Vns den obirman brengin vnd wanne das gerichtit wirt, ez sy mit fruntschafft adir mit deme rechtin, so sollent sy vorwert zu den andern stucken gryffen vmme alle yre sache dye ir eyn zu deme andern zu sprechin hat, ez sy vmme bryue vmme wort, adir war vmme iz sy vnd sollent des legin Bryue by Bryue, wort by wort, vnd was ir yezlich zu den andern zu sprechin hat, vnd das richtin mit fruntschafft ob sy mugin, wes sy abir myt Fruntschafft nicht ubirbrengin mogin, daz sollin sy richtin mit dem rechtin, wordin abir dy vyre mit deme rechtin nicht eyndrechtig wilchin zweyn wir der ubirman dan bestunde, das solde vort gan, vnd sal ir eyn deme andern das tun, Vnd sollent yn dar ane gnugin lassin, vnd wes dy vyre ubir Kommen odir wir der obirman mit zweyn als Vorgeschrieben stet, das sal alliz eyn mit deme andern durch gen, so das eyn das andir nicht sal phendin, Ouch ist geredt zuschin vnserme Oheymen Lantgrauen Heinrich und Hermann sinne Brudere, das vnser Oheym Herman sal nicht beholfin sin dem Byschoffe vnd deme Stiffte von Mencze widdir sinen Brudir, vnd hant des vffe dyse vorgeschriebene Artykil er eyn dem andirn in truwin globit eyne rechte sune, vnd dy onuerbrochinliche zu heldene, als was dy Vier ratlude eyntrechtekliche adir Wir der obirman obir quemen als hy vorgeschrieben stet, das sal ir eyn deme andern tun ane Vorczog vnd ane geuerde; Vnd dyse vyr ratlude sollint alle dy vorgeschrieben sache scheidin bynnen vierczen nachtin, mit fruntschafft adir myt deme rechtin, vnd wordin sy deme rechtin nicht eyntrechtig, so soldent sy das beschrieben brengen an vns den obirman, vnd sollin wir vns dan des undirwindin vnd ende gebin bynnen eyme mande, nach dem das iz an vns bracht wirt ane geuerde, Me ist geredt das alle gelt vnd gedingcze, das noch nicht vz gerichtit ist, vnd alle gefangin sollint blibin in Burgen hant stende biz an dy vyre, vmme den anegrifft den her Arnold von portinhayn vff vnsirs Oheymes strasze an unsir mumen Brouwin von Hennenberg getan hat, ist geredt das daz ouch sal blibin biz an dy vyre stende vnd an vns den fu^enfften, vnd sal her Arnolt nicht bordir vff hebin, dan ir gereide vff gehabin hat, Vort mer ist geredt vmme vnsern Oheym Ottin von Hessin der Herman vnserme Oheym ouch zuspricht vmme den selbin Anegryff daz der ouch an den vyren, vnd an vns dem funfften sal blibin stende, Sunder vmme die Wort dar er yme vmme zuspricht da hant sy tage vmme bescheidin, Vnd sal Vnser Oheym Herman yme dar vmme antwortin vff deme tage, vnd wir Heynrich von Gots Gnade Lantgraue zu Hessin vnd wir Herman sin Brudir bekennen das dyse Vorgeschriebene sune myt vnserme gudin willen vnd virhengnisse getedingit ist vnd wir yr gefolgit sin vnd sullin dy in allir der wiz als vorgeschrebin stet, stede vnd vnuerbrochlich haldin als vnser eyn deme andern in guden truwin globt hat, Vnd des zu vrkunde so han wir Lantgraue Heynrich vnd Lantgraue Herman vorgenant Vnser Ingesiegel mit Ingesiegil Vnsers Oheyms an dissin Bryff gehangin. Vnd Wir Greue Johann von czyginheyn Thyderich vnd Heynrich Gebrudere von Waldeckin vorgenant Bekennen von denen wir alle dyse Vorgeschrebin rede begriffen vnd geteydingit han, das wir des in Kuntschafft vnd sichirheyt vnd durch bede willin vnser vorgenante Oheyme habin vnser Ingesiegel an dissin Bryff gehangin. Der gegebin vnd geschreben ist von der Jarczal als man schribet von Gots geburt Dryczenhundirt Jar in deme Achte vnd vierczigisten Jare vff den tag als Vnser Herre zu Hymel fur.

Nachweise

Aussteller

Ziegenhain, Grafen, Johann I. · Waldeck, Grafen, Dietrich · Waldeck, Grafen, Heinrich V.

Empfänger

Hessen, Landgrafen, Heinrich II. · Hessen, Landgrafen, Hermann I.

Siegler

Ziegenhain, Grafen, Johann I. · Waldeck, Grafen, Dietrich · Waldeck, Grafen, Heinrich V.

Weitere Personen

Mainz, Erzbischöfe

Weitere Orte

Mainz, Erzbischöfe · Ziegenhain, Grafen · Waldeck, Grafen

Sachbegriffe

Vergleiche · Grafen · Brüder · Verwandte · Bischöfe · Stifte

Textgrundlage

Stückangaben, Regest

Reg. Erzb. Mainz

Zitierweise

Landgrafen-Regesten online Nr. 1102 <https://www.lagis-hessen.de/de/subjects/idrec/sn/lgr/id/1102> (Stand: 19.04.2024)