Landesgeschichtliches Informationssystem Hessen

Regesten der Landgrafen von Hessen

1381 Oktober 2

Verschreibung zwischen Herzog Otto von Braunschweig und Landgraf Hermann II.

Regest-Nr. 10989

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: Staatsarchiv Marburg, Urk. 1, Nr. 3927 ⟨Altsignatur: Staatsarchiv Marburg, Samtarchiv, Schublade 52, Nr. 9⟩.
Stückbeschreibung: Membran und Schrift teilweise beschädigt (lt. Findbuch).
Siegel: Siegel fehlen (lt. Findbuch).
Abschriften: Hauptstaatsarchiv Hannover, Copialbuch III. 5 (15. Jahrhundert).
Drucke: Urkundenbuch der Herzöge von Braunschweig 5, S. 249-253 Nr. 210.
Regesten: Urkundenbuch der Herzöge von Braunschweig 5, S. 249 Nr. 210; Urkunden der Markgrafen von Meissen Abt. B 1, S. 18 f. Nr. 25.
Regest
Herzog Otto von Braunschweig und Landgraf Hermann von Hessen verschreiben, im Falle dass einer von ihnen, ohne Leibeserben zu hinterlassen, sitrbt, sich einander für 300000 Mark löthigen Silbers ihre Schlösser, Burgen, Städte, Lande und Leute mit allen dazu gehörenden Herrschaften, nämlich der Herzog dem Landgrafen Sichelnstein, Schloß und Stadt Münden, Bramburg (am rechten Weserufer nördlich von Hemeln), Giselwerder, Schöneberg (bei Hofgeismar), Lauenförde, Nienover, Fürstenberg, Schloß und Stadt Uslar, Schloß und Stadt Moringen, Schloß und Stadt Hardegsen, Harste, Friedland, Brackenberg, Dransfeld, Bovenden, Niedeck, Northeim, Brunstein, Windhausen, Hindenburg (zwischen Badenhausen und Osterode), Stadt und Schloß Gandersheim, Stauffenburg, Seesen, Gebhardshagen, Harzburg und Göttingen, und der Landgraf dem Herzoge Schloß und Stadt Cassel, Schloß und Stadt Grebenstein, Schloß und Stadt Immenhausen, Schloß und Stadt Trendelburg, Zierenberg, Schartenberg (bei Zierenberg), Schloß und Stadt Wolfhagen, Witzenhausen, Ziegenberg, Arnstein (beide bei Witzenhausen), Allendorf, Fürstenstein (zwischen Allendorf und Eschwege), Bilstein (oder Beilstein bei Allendorf), Eschwege, Wanfried, Schloß und Stadt Sontra, Reichenbach (bei Lichtenau), Lichtenau, Schloß und Stadt Spangenberg, Melsungen, Schloß und Stadt Bodenberg, Friedewald (bei Hersfeld), Schloß und Stadt Homberg, Schloß und Stadt Gudensberg, Schloß und Stadt Felsberg, Niedenstein und Falkenstein (bei Niedenstein). Jene Summe soll, ungeteilt, dem Überlebenden ausbezahlt werden, bevor er die Schlösser, Städte, Lande und Herrschaften des Verstorbenen herausgibt. Jeder von ihnen gelobt, seine Amtleute, Burgmannen und Bürger und die Pfandbesitzer seiner Schlösser und Städte dem Anderen hierauf huldigen zu lassen, die sich dem widersetzendem Städte und Schlösser mit Ausnahme des Schlosses Göttingen zur Huldigung anzuhalten, dem Andern auf Tagefahrten gegen Anschuldigungen wegen dieses Vertrages beizustehen, in einem wegen des Vertrages entstehenden Kriege ihm 32 leicht bewaffnete Reiter in seine Schlösser zu senden, ihm erforderlichen Falls in eigener Person und mit Land und Leuten Heeresfolge zu leisten und zum Nachteile dieses Vertrages sich mit den Söhnen des Herzogs Magnus von Braunschweig, mit dem Markgrafen von Meißen oder mit Anderen in kein Bündnis noch in Unterhandlung einzulassen. Stirbt der Herzog, ohne Leibeserben nachzulassen, so soll seine Witwe, Herzogin Margarethe, auf ihr Leibgeding, Stadt und Schloß Münden und Sichelnstein, verzichten und der Landgraf ihr dafür Schloß und Stadt Grebenstein zum Leibgedinge anzuweisen. Der Herzog und der Landgraf errichten mit einander ein Schutz- und Friedensbündnis auf Lebenszeit und ernennen zur Schlichtung ihrer und ihrer Untertanen Irrungen ein Schiedsgericht.

Wortlaut der Datierung

Der gegeben ist an mitewochen nest nach Michahelis des heilgen ertszengels, Anno dominij Millesimo CCC° LXXX primo.

Originaltext
Wir von gots gnaden Otte herczauge zu brunswik, und wir von den selbin gnaden herman lantgrafe zu hessin bekennen uffindlichen yn diesem briefe, allen den dij en sehin, horin, adir lesin, daz wir mid vorbedachten mude, nach rade unsir frunde von beidinsiten, umbe daz unrecht gedrank, und selbwalt, dij an uns uffe beidesiten, gescheen ist, uns mitenandir vireynet virstrickit, und mid eyner saczunge, diesir nachgeschreben summen geldis, mid unsin nachgeschreben sloszin, Steden borgen, landen, herscheften, und luden, dij dar zu gehoren vorbunden und vorschreben han, und vireynigen, virstricken virbynden, und virschriben uns hir mede, unsir eyn dem andirn mid kraft diesis briefs, mid namen wir Otte herczauge zu brunswik, mid diesen nachgeschreben unsirn sloszin, borgen, steden, landen und luden Sichlinsteyn Munden hus und stad, Bramborg, Werdir, schonenberg Lewinforde, Nygenuffir, forstinberg, usler hus und stad Morungen hus und stad, herdessen hus und stad, herste fredeland, Brackinberg, Dranffeld, bobinczen, Nydecke Northeim, Brunsteyn, Winthusen, hindinborg, Gandirsheim hus und stad, Stauffinborg, Sessin, Gebehardishayn hartsburg und Gottingen mid allen eren herscheften und zugehorungen, und wir herman lantgrefe zu hessin mid diesen nachgeschreben unsirn sloszin, borgen Steden landen und luden, Cassil hus und Stad, Grebinsteyn hus und stad, Ymmenhusen hus und stad, Drendilborg hus und stad Tzirenberg, Schartinberg Wolfhayn hus und Stad, wiczinhusen czeginberg Arnsteyn, Aldindorff, forstinsteyn bielsteyn, Eschenwege, wenefreden, Suntra hus und stad, Richinbach, lichtenauwe, Spanginberg hus und stad, Melsungen, Rodinberg hus und stad, fredewalt, hoenberg hus und stad, Gudinsberg hus und stad, felsberg hus und stad, Nydensteyn und falkinsteyn, mit allen eren herscheftin, und zugehorungen, also werez daz unsir eyner abe ginge von thode ane lybis erben des god nicht virhenge, welchir unsir eyner daz were, so solde dem andirn, drij werbe hundert, Thusind lodige mark silbirs gudir were, als zu den gecziden danne genge und gebe were, vor gegeben und wol beczalt sin, und dij beczalunge sal geschin, er danne dij slosze, borge, Stede, lande, herschefte, und lude, mid eren zugehorungen von yme quemen, und sal der slosze borge adir stede, sundirlichen, eyn ane daz andere nymand von yme losin, sundir man sal sij, mid enandir vor dij vorbenanten summen geldis mit enandir losin, und sollen alle unsir amptlude, borgmanne und borgere dij diese vorgeschreben unsir slosze ynne habe dar ane und dar ynne siczen, und yn den gerichten dij zu diesen vorgenanten unsirn sloszin gehoren, von beidensiden, unsir iglichem eyne rechte huldunge thun, globen und sweren zu diesir vorgenanten summen geldis getruwelichen zu gude zu halden ane allirleige argeliste und geverde, Ouch ensal unsir deheiner, eynen andirn amptman zu diesen vorgenanten sloszin, borgen und Steden seczen, adir entseczin, dij amptman habe erst rechte huldunge gethan, globt und gesworen unsir iglichem zu sinen phennyngen, yn alle der wise, als diese briefe uzwisin dij wir dar obir gegeben han, ane geverde, Werez auch daz unsir eyner, diesir vorgenanten siner slosze, borge adir stede eyne adir mer vorseczen můste, adir wolde dij muchte her vorseczen rittern adir knechten weme her wolde ane forstin adir hern, vor eyn mogelich zidlich geld, als dij slosze, borge adir stede da vor mogelich zuvorseczin weren, und solde unsir eyner dem andirn, daz ungeverlich halden, und zu dem bestin kerin ane geverde und waz slosze borge adir stede, von uns gereide virsaszt sin, adir virsaszt worden, und ab dij summe geldis, dij von uns daruff virschriben sin, an unsir eynen irstorbe, und gefile nach ynhalde unsir briefe als vorgeschriben sted so solden dij dene, dij slosze, borge, adir stede, also virphendit weren, mid den sloszin borgen und steden deme herrin an de ndij vorgenante summe geldis irstorben und gefallen were, zu eyner losunge sten und yme dij zulosinde geben ane wedirrede, vor als vele geldis als sij en stunden ane geverde, und solde auch der herre der sij loste mid den andirn, sloszin borgen und steden wedir zu losine geben vor dij vorgenanten drij werbe hundert Thusind lodige mark silbirs, und vor dij summen geldis da vor her sij von en gelost hette, ane geverde, und den, den wir also unsir slosze virsesztin, adir virsaszt hettin, solden unsir iglichem zu der vorbenanten summen geldis huldingen thun, globen und sweren, dij slosze eme nicht zu entfremden, und mid den sloszin, eyner losunge an uns zuwartinde, weme daz gehorte ane geverde, Werez auch daz unsir eyner geschuldigit worde von weme, daz were, umbe diese vorgerurten vireynunge und virstrickunge, und geborte deme dar umbe zu thagen zu rydinde, dem solde der andere dij thage helffin leistin und mid den sinen dar zu ryden, an stede wo sich daz geborte, bynnen vieren milen weges zu syme lande, und yme getruwelichen uffe den thagen raden und helffin, und sin beste vorkeren ane geverde, und sollen unsir eyn den andirn und dij sine zu den thagen zu und heim zu rydinde bewaren glich sich selbir ane geverde, Werez auch daz sich eynige der vorgenanten unsir slosze borge, adir stede eyn adir mer, wedir diese virsaczunge eynunge und virstrickunge, sesztin, yn welchir hande sache sij daz vor nehmen, dem solde der andere dar zu getruwelichen raden, und helffen, mid aller siner macht daz her dij dar zu brechte wij her kunde, daz sij dij huldungen theden globeten und swuren, als vorgerurt ist, ane geverde Ouch als wir Otte herczauge zu brunswik hern hermanne lantgraffin zu hessin unsim Oymen, unsir slosz gottingen, mid andirs unsirn sloszin, vor dij vorbenante summen geldis virschreben han, daz wir dij zu keyner huldunge, bij unsim leben nicht dringen sollen, wanne sij meynen er gewonheid sij daz sij keyme erme herren, bij des andern lebethagen hulden sollen, andirs han wir unsim Oymen lantgraffin hermanne vorgenant, vor dij vorbenante summen geldis, alle unsir recht daz wir dar nae han, und bisz her bracht haben dar ane virschriben mid andirs unsirn sloszin zu haben ane geverde, Werez auch daz wir, umbe diesir vorgeschriben sache vireynunge, und virstrickunge willen, mit ymande wer dij were, zu krige quemen, worden wir danne des radis, daz wir eyns tegelichen krigis mid en andir obirquemen, so solde unsir eyner bij den andirn, zu tegelichem kryge yn des hern slosz deme der krig enstunde unforczoglichen bynnen virczenthagen legen, czwene und driszig erbare man mid gleynen, wol gerurstir lude, und wanne dij yn des hern slosz quemen, so solde der herre, bij deme sij legen, sie bekostigen, und der herre dij sij dar gesandt hette, solde en vorschaden sten ane geverde und werez daz sij vromen nehmen an gefangen, waz da reysigir lude gefangen worden, soldeman teylen nach anczal der gewapenden lude dij gleyven hettin, dij geinwordiget von beidir siden uff dem velde weren ane geverde, waz abir von geburen gefangen, kuchinspise gnomen worde ,adir von gedincze gevile, daz solde deme hern alleyne werden, und volgen der dij koste hette ane geverde, were auch daz man umbe diesir sache eynunge, und virstrickunge willen, uff unsir eynen czihende worde adir ab nod worde unsir eyner dem andirn zu folginde dem solde der ander daz helffin weren, mid syns selbis libe mid lande und lude, unsir iglichir uff sinen fromen, schaden und vorlust, ane alle geverde, Ouch ensoln noch enwollen wir mid herczaugen frederiche, herczaugen magnus seligen sone und sine brudirn, mid den Marcgrafin von missen noch mid deheimen andirn hern, adir mid nymande keynerleige virbundnisse aberichtunge, adir teydinge thun nehmen adir anegehin heymelich adir uffinbar yn eyngirhande wise, da wir diese briefe vireynunge adir virstreickunge yn die heinerhande wise mede virschrenkin gekrenken, adir virbrechin, mogen, sundir alle argelist und geverde, Werez auch daz wir Otte herczauge zubrunswik, von thodis weyn abegingen ane libis erbin des god nicht enwolle, als wir danne der wolgeborn Grethin unsir elichin husfrauwen, unsir Slosz borg und Stad Munden, mid allen eren zugehorungen und Sichlinsteyn mid siner zugehorunge zu libgedinge gemacht han, Ist zuschen unsim Oyme hern hermanne lantgrafin zu hessin, und uns beredt, daz Grethe unsir husfrauwe, die huldunge als er von den vorbenanten sloszin zu erer lipczucht geschen ist, sal thegirlichen virczigen und sollen und wollen, wir herman lantgrafe zu hessin unsis Oymen herczaugen Otten husfrauwen vorgenant, vor Munden und Sichlinsteyn zulipgedinge machin, unsir Slosz borg und stad Grebinsteyn, mid als viele gulde und gehulze als zu Munden, und zu sichlinsteyn zugehord, dij sij iczund zu libgedinge haid, und solden und wolden, wir sij yn daz libgedinge seczen, und er daz machen, daz sij wol hebinde und bewart were, und wanne wir daz gethan hettin, so soldeman uns Munden borg und stad mid erer zugehorunge und sichlinsteyn mid siner zugehorunge antworten zu den andirn sloszin, und dij mid andirs unsirs Oymen herczaugen Ottin sloszin borgen und steden, vor dij vorbenante summen geldis haben als vorgeschreben sted ane geverde, und solde dij vorbenante unsis Oymen herczaugen Ottin husfrauwe, dij amptlude borgemanne und borgere zu Munden und zum Sichlinsteyn er huldunge eyde und gelobede, dij sij er zu erer lipzucht gethan han ane alle wedirsprache ledig und los segen, und der uff sij, gentslich und lutirlich nummer mer zu vordern, virczigen ane geverde, Ouch sal unsir eyner dem andirn zu gude, sin land sine lude, sine undirthanen sine straszin und gud, welchirleige daz ist getruwelichen schuren, und shcirmen, als lange als wir leben glich deme sine ane geverde, Ez sal auch unsir deheiner des andirn slosze, land lude, Manne borgmanne, borgere, adir gebure zu yme czihen, yn nemen,adir verteydingen wedir den andirn, wanne unsir iglich sal ez deme andirn zu gude keren dij wile wir leben, mid landen unde luden als vorgerurt ist sundir alle geverde und argelist, Ez ensal auch dehein der unsirn den andirn en adir sin gud kummern, adir uffhalden, her enhabe en danne erst erfordirt adir sij rechtis bruch worden, an deme gerichte da her geseszin ist ane geverde, Werez auch daz ergen eyn herre adir andirs wer dij were, uns adir unsir undirsaszin ane griffin, da wir keyne uffinbare vede wistin daz folde unsir eyner dem andirn und unsir amptlude von unsir weyn, getruwelichen helffin weren mid landen und luden, als dicke sich daz gebord, ane geverde, Ez ensal auch unsir eyner des andirn vygind nummer mer werden dij wile wir leben, wanne wir sollen und wollen unsir beidir lande und lude, mid enandir schuren und schermen unsir iglicher dem andirn zu gude, truwelichen ane allirleyge geverde sundir alle argelist dij menschen hercze irdenken mag, Were auch daz wir adir unsir amptlude unsir manne borgmanne, adir underthane undirenandir worden des solden und wolden wir selbir adir unsir iglichir czwene der sinen uff thage, an unsir beidir malstede zu thagen ryden, adir senden dij daz fruntlich adir rechtlich scheiden und richten solden eintrechteclich, Worden dij des rechtin czweiende, So han wir von beidensiten den gestrengen ebirharde von buchenauwe rittere unsirn lieben heymelichen und getruwen, zu eyme ungeraden und obirmanne gekoren uff wilche siden der des rechten bestunde, daz solde voergang haben, unde solde daz unsir eyner dem andirn, und den sinen thun und nehmen, nach deme als daz von dem vieren und den funften uzgesprochen worde ane geverde, und umbe waz sache man zu thagen komen were dij soldeman erst zu richtin, als vorgeschreben sted, und andirs keyne sache daryn czihen ane geverde, dij sache were erst entricht und wanne wir, adir dij unsirn also zuthagen ryden, so solden und wolden wir mid enandir und unsir iglich den andirn und dij sine zu dem thage zu und heim bewaren schuren und schirmen, glich eme und den sinen ane geverde, Werez auch daz unsir eyns manne, borgmanne, adir undirthanen, deme andirn umbe schult hette zuzusprechin daz solde her an sinen hern brengen, ser solde vor den manen und schreiben, so solden und wolden, wir bedirsijd unsir iglichir czwene der sinen, yn den nehisten virczenthagen nach dem als her vor en schreibe und gemand hette uff thage zusamene senden, Waz deme dij viere eintrechtlichen, adir ab dij vire nicht eintrechtig worden, welchir unsir czwen denne unsir obirman bestunde und irkente daz redelich schult were, dij solde unsir eyn des andirn mannen borgmannen adir undirthanen richtin bynnen den nestin virczenthagen, als daz von en zu gesprochin worde ane geverde, theden wir des nicht, phenten sij uns denne dar umbe daz muchten sij thun zu eres hern sloszis und daryn und solden mit den phanden phentlichen gewerben und thun Were abir daz unsirs eyns manne borgmanne adir undirthane diesem alsus nicht volgeten, als vorgeschreben sted, und unsir eynen hir obir anegriffe, so solde der, des manne daz theden, dij nicht halden, und solde sij, von yne und zu sinen sloszin landen und gebiden wissen, und solde unsir eyner dem andirn uff dij, von stund getruwelichen helffin alse lande bisz sij deme gerecht worden den sij also ane gegriffin hettin ane geverde, Ginge auch Ebirharde von buchenauwe ritter er unsir eyme von thodis weyn abe daz god lange vorczihe, so solden wir yn den nestin virczenthagen, darnach, als Ebirhard virscheiden were, iglicher czwene siner dinere uff eynen thag zusamene senden, und dij vire solden eintrechtlichen, uff ere eyde und globede dij sij uns gethan hettin eynen obirman, an Ebirhardis stad kysin, der uns beidirsijd glich geseszin und beauemelich were, kunden sij des nicht eintrechtig werdin, so solden dij selbin viere, uff ere eyde und globede iglichs czwene eynen kisen, dij uns bedirsijd glich geseszin und bequemen weren, und soldin danne dij vire uff ydij siten eyneriglich eyns worffis mid dren glichen worffeln der meistin augen werffin, und von welcherme dij meisten augen geworffin worden dij solden den, den sij gekorn hettin zu eyme obirmanne gewunnen haben, und den solden wir beide und wolden z ueyme obirmanne haben, und der solde und beyden globen und sweren, unsir iglichem glich und ungeferlich uzrichtunge zuthunde yn allen sachen dij an en quemen, und bracht worden nach deme als vorgeschreben ist anegeverde, Ouch ensoln adir enwollen wir keynerleige stucke, sache hulfferede adir wedirsprache, suchen, vynden, adir vornemen, da mede wir diese vorgeschreben eynunge virstrickungen, saczunge und diesen keinwordigen brieff und allen sinen stucken puncten und artikeln wedirsprechin, gekrenken virbrechin, adir virhalden muchten yn eynigerhande wise ane geverde, Diese vorgeschreben eynunge virstrickunge, virsaczunge, und alle diese vorgeschreben rede pungte, stucke, und artikele semptliche und besundern, als dij hir vorgeschreben sten und begreffin sin, han wir vorgenante herren, wir Otte herczauge zu brunswik, und wir herman lantgrafe zu hessin entruwen globt, und liblichin mid uffgerachten vingern zu den heilgen gesworn stede veste, und unforbruchlichen zu haldine sundir argelist ane alle geverde, Dijs alliz zu bekentnisse, zu warem Orkunde und zu ganczir stedicheid geben wir Otte herczauge zu brunswik, und wir herman lantgraffe zuhessin diesen brieff mit unsirn Ing hir ane gehangen vestlich vorsegilt, Der gegeben ist an mitewochen nest nach Michahelis des heilgen ertszengels, Anno dominij Millesimo CCC° LXXX primo.

Sprache des Originaltextes

deutsch

Nachweise

Aussteller

Braunschweig-Göttingen, Herzöge, Otto der Quade · Hessen, Landgrafen, Hermann II.

Empfänger

Braunschweig-Göttingen, Herzöge, Otto der Quade · Hessen, Landgrafen, Hermann II.

Siegler

Braunschweig-Göttingen, Herzöge, Otto der Quade · Hessen, Landgrafen, Hermann II.

Weitere Personen

Braunschweig-Wolfenbüttel, Herzöge, Magnus II. · Braunschweig-Göttingen, Herzöge, Margarethe, Frau Ottos des Quaden, geb. Herzogin von Hohenzollern · Braunschweig-Lüneburg, Herzöge, Friedrich I. · Buchenau, Eberhard von

Weitere Orte

Braunschweig, Herzöge · Sichelnstein · Münden · Münden, Burg · Bramburg · Hemeln · Weser · Giselwerder · Schöneberg · Hofgeismar · Lauenförde · Nienover · Fürstenberg · Uslar · Uslar, Burg · Moringen · Moringen, Burg · Hardegsen, Burg · Hardegsen · Harste · Friedland · Brackenberg · Dransfeld · Bovenden · Niedeck · Northeim · Brunstein · Windhausen · Hindenburg · Badenhausen (Gem. Bad Grund/Niedersachsen) · Osterode am Harz (Lkr. Osterode am Harz/Niedersachsen) · Gandersheim · Stauffenburg · Seesen · Gebhardshagen · Harzburg · Göttingen · Kassel · Kassel, Burg · Grebenstein, Burg · Grebenstein · Immenhausen, Burg · Immenhausen · Trendelburg · Trendelburg, Burg · Zierenberg · Schartenberg · Wolfhagen, Burg · Wolfhagen · Witzenhausen · Ziegenberg · Arnstein (Gem. Neu-Eichenberg) · Allendorf (Gem. Bad Sooden-Allendorf) · Fürstenstein · Eschwege · Bilstein · Beilstein · Wanfried · Sontra, Burg · Sontra · Reichenbach · Lichtenau · Spangenberg, Burg · Spangenburg · Melsungen · Bodenberg, Burg · Bodenberg · Friedewald · Hersfeld · Homberg, Burg · Homberg · Gudensberg · Gudensberg, Burg · Felsberg · Felsberg, Burg · Niedenstein · Falkenstein · Meißen, Markgrafen

Sachbegriffe

Herzöge · Verschreibungen · Erben, fehlende · Silber, lötiges · Burgen · Schlösser · Amtleute · Burgmannen · Bürger · Pfandschaften · Huldigungen · Reiter, leicht bewaffnete · Witwen · Wittume · Leibgedinge · Bündnisse · Hilfe, militärische · Söhne · Markgrafen · Schutzbündnisse · Friedensbündnisse · Schiedsgerichte · Schiedsrichter, Auswahl durch würfeln

Textgrundlage

Stückangaben, Regest

Sudendorf, UB der Herzöge von Braunschweig 5

Original

Sudendorf, UB der Herzöge von Braunschweig 5

Zitierweise
Landgrafen-Regesten online Nr. 10989 <https://www.lagis-hessen.de/de/subjects/idrec/sn/lgr/id/10989> (Stand: 28.03.2024)