Landesgeschichtliches Informationssystem Hessen

Regesten der Landgrafen von Hessen

1348 März 11

König Karl verpfändet Friedberg und Gelnhausen

Regest-Nr. 10820

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: Fürstlich Hohenlohisches Archiv Oehringen. Pergament, das Majestätssiegel, an purpurnen Seidenfäden, ist etwas beschädigt.
Regesten: Urkundenbuch der Herren von Hanau 2, S. 717 f. Nr. 732.
Regest
König Karl verpfändet Kraften von Hohenlohe die Städte Friedberg und Gelnhausen.
Auch dem Landgrafen Heinrich von Hessen stellt der König 1348 März 11 eine Verpfändung der Zinsen und Gülten des Reiches zu Frankfurt, Friedberg und Gelnhausen in Aussicht.
Originaltext
Wir Karel von gots gnaden ro^emischer ku^enig, zů allen ziten merer dez richs und ku^enig zů Beheimen, tůn kůnt und zů wizzen o^effenlich mit disem brief allen lu^eten. Wann^e der edel mann Kraft von Hohenloch, unser und dez richs getruwer, uns als einem romischen ku^einige und seinem rehten herren gehůldet, gelobt und gesworn hat, getruwe, gehorsam und undertenich zů sin, und auch sin lehen von uns emphangen hat und gelobt zů helfen, ze dy^enen und by^ezesten ewiglich mit guten truwen gegen allermenglich, nieman auzzůnemen, on allez geverde, des habe wir angesehen des vorgenanten Kraftes von Hohenloch getruwe dinest und undertenichkeit, die er uns und dem riche doran erzeigt hat und noch tůn sol und mag, und geben im von unsern besundern ku^enichlichen gnaden fu^enfzehentu^esent gu^eldin gewegner florin. Und wani^e wir in der zu^e disen ziten nicht anders gerihten mohten, so setze wir im und sinen erben dafu^er unser und dez richs stete Fridberch und Geylenhu^esen mit cristen und mit iuden, mit dem schultheizzenampt, mit zinsen und mit gewo^enlichen steuwern, mit allen fellen und rehten, als ein romische ku^enig haben sol, und mit allen dem, daz dorzu^e und dorin geho^ert, besůcht und unbesůcht, als si uns und daz reich angeho^erent, also daz der vorgenante Kraft von Hohenloch und sin erben die vorgenanten stete mit allen dem, daz dorzu^e geho^ert, als vorgeschriben stet, inne haben und miezzen, besetzen und entsetzen sullen, on hindernisse undm it gemache, als lange uncz wir oder unser nachku^emen an dem riche die egenanten stete mit dem, daz doru^e geho^ert, um die obgeschriben fu^enfzehentu^esent gu^eldin gentzlich geledigen und gelo^esen. Und swaz der vorgenant von hohenloch oder sin erben nu^etz und gu^elte von den vorgenanten steten und dem, daz dorzu^e geho^ert, von cristen und von iuden aufgeheben und ingenemen, daz sol in an der vorgenanten sůmm^e fu^enfzehentůsent gu^eldin niht abgeslagen werden. Und were, daz den vorgenanten Kraften von hohenloch oder sin erben ieman an der vorgenanten pfantschaft irren oder hindern wo^elt, dofu^er sullen und wo^ellen wir sie schu^etzen und schirmen, als verre wir mu^egen, on geverde. Und swenn^e daz ist, daz uns die vorgenanten zwu^e stete hu^elden, so sullen wir alsbalde schicken unverzo^egenlichen, daz si im und sinen erben veriehen und bekennen der vorgenanten pfandůng und in dorumb sweren und hu^elden, zu^e warten, zu^e dy^enen und zů sitzen als uns selber, ob wir si niht versetzet heten; und sullen dorzu^e tu^en allez unser vermu^egen, on allez geverde, daz wir si in schicken und in bringen, als vorgeschriben stet. Zů urku^ende der worheit geben wir dem vorgenanten von hohenloch und sinen erben disen bri^ef versigelt mit unserm ku^niglichen anhangendem insigel. Der geben wart zů Nu^ernberg, nach Cristes gebu^erte dru^ezehenhundert iar und in dem sybenden und vierzigsten iare, dez nehsten fritags noch allerheyligen tag, in dem andern iare unsers reichs.

Sprache des Originaltextes

deutsch

Nachweise

Weitere Personen

Karl IV., Kaiser · Hohenlohe, Grafen, Kraft III. · Hessen, Landgrafen, Heinrich II.

Weitere Orte

Friedberg · Gelnhausen · Frankfurt

Sachbegriffe

Könige · Pfandschaften · Städte, Einkünfte aus · Zinsen · Gülten

Textgrundlage

Stückangaben, Regest

UB Hanau 2

Original

UB Hanau 2

Zitierweise
Landgrafen-Regesten online Nr. 10820 <https://www.lagis-hessen.de/de/subjects/idrec/sn/lgr/id/10820> (Stand: 29.03.2024)