Aussöhnung zwischen den Grafen von Schwarzburg und den Landgrafen von Thüringen

Regest-Nr. 10770

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Hauptstaatsarchiv Dresden.
Regesten:	UB Erfurt 2, S. 207 Nr. 253.

Regest

Günther, Heinrich und Günther, Grafen von Schwarzburg, Herren zu Arnstadt, söhnen sich mit dem Landgrafen Friedrich von Thüringen aus und verbünden sich mit ihm.

Originaltext

... Sunderlichen ist iz geredet umme den edeln man grafen Heinrichen von Hennenberg, unsern liben oheim, daz iz umme alle bruche und ufloufe, die zcwischen im und der stat zcu Erffurte erstanden sint und gewest biz her, sten sal an unserm herren dem marcgrafen vorgenantin und dem hochgeborn furste herrn Heinriche, lantgrafen zcu Hessen, wy^e sie die eintrechtiglichen darumme scheiden und richten mit der minne oder mit dem rechten, des sullen sie beidersyt gehorsam sin, und daruf sal iz ouch mit in und allen iren dienern und helffern uff beide siten, die durch iren willen beydersit in disen crig kumen sint, glicherwys als mit uns ein gute stete sune sin ane allerley argelist und geverde. --- Umme Tungdorf daz hus, daz die stat und die burgere von Erforte vorgenantin uns an gewunnen habin, ist iz also geredit, daz wir uns des vorczigen haben und verczihen an disem brife, also daz wir nimmer kein ansprache oder forderunge daran gehaben sullen. Ouch bekennen wir, daz wir mit den burgern und der stat zcu Erffurte umme alle krige und zweitracht, die zcwischen in und uns bizher gewest sint, und alle ding, die darmite geschen sint, gutlichen gesunet sint, und daz wir iz an unsern herren den marcgrafen vorgenanten gelazzen hatten, wy er iz uns gein derselben stat und den burgern hinnevord halden hieze, also selbins solden wir iz halden. Nu hat uns derselbe unser herre geheizzen, daz wir sie bie allen eren und rechten lazzen sullen, dazselbe sullen sie und wider tun. Und daz wir unserm gerrn die strazen sullen getrulichen helfen schu^etzcen und schirmen, so wir beste můgin ane geverde, daz sullen und wollen wir gerne tůn.
Diese ding sint geschehen vor Dornburg an dem nesten dinstage nach Jacobi, und dirre briff ist gegeben zcu Wyszenfels an dem donrestage aller nest darnach, nach Cristi gebůrte dryzcenhůndert iar darnach in dem funf und firzcigisten iare.

Sprache des Originaltextes

deutsch

Nachweise

Weitere Personen

Schwarzburg, Grafen, Günther XXV. · Schwarzburg-Blankenburg, Grafen, Heinrich XII. · Meißen, Markgrafen, Friedrich II. der Ernsthafte · Hessen, Landgrafen, Heinrich II. · Henneberg-Schleusingen, Grafen, Heinrich IV. · Schwarzburg, Grafen, Günther XXI.

Weitere Orte

Arnstadt (Ilmkreis/Thüringen), Grafen · Thüringen, Landgrafen · Erfurt · Weißenfels · Tungdorf · Dornburg

Sachbegriffe

Grafen · Bündnisse · Friedensschlüsse · Schiedsrichter · Bürger

Textgrundlage

Stückangaben, Regest

UB Erfurt 2

Original

UB Erfurt 2

Zitierweise

Landgrafen-Regesten online Nr. 10770 <https://www.lagis-hessen.de/de/subjects/idrec/sn/lgr/id/10770> (Stand: 20.04.2024)