Regesten der Landgrafen von Hessen

Erweiterte Suche »
Ergebnismenge »
Treffer 6 von 25

1444 Januar 6

Die von Schwarzburg und von Stolberg nehmen Nordhausen in ihren Schutz

Regest-Nr. 9154

Überlieferung

Ausfertigung:	Stadtarchiv Nordhausen, I, S. 20. Pergament. Zwei runde gelbe Wachssiegel in farblosen Schalen an Pergamentstreifen, das dritte in der Mitte befindlich gewesene, abgerissene 1. Siegel Heinrichs XXIV. Stempel II. gut erhalten. 2. Siegel Heinrich des Jüngeren abgerissen. 3. Siegel Botos des Älteren von Stolberg, Durchmesser 30 mm. Gut erhalten mit Ausnahme der Umschrift. In Vierpaß rechts gelehnter Dreieckschild mit schreitendem Hirsch, darüber rechts schauender Spangenhelm besteckt mit Straußenfedern und drei Kleeblättern. Umschrift verwischt.
Drucke:	Nordhäuser Urkundenbuch 2, S. 122-127 Nr. 98.
Regesten:	Nordhäuser Urkundenbuch 2, S. 122 Nr. 98.

Regest

Heinrich (XXIV.) d.Ä. und Heinrich d.J., Grafen von Schwarzburg und Boto d.Ä., Graf von Stolberg, nehmen die Stadt Nordhausen auf 4 Jahre in Schutz und Schirm.

Originaltext

Wir Heinrich der elder und Heinrich der junger, graven von Swarczpurg, herren zu Arnstete und Sundershusen und Bote, grave zu Stalberg und herre zcu Werningerade - bekennen und beczugen eyntrechtiglichen mit unsern erbin uffentlichen in dissem unsrem uffin brife vor allen den, die in sehn ader horen lesin, daz wir mit wisszin und vulbort unser erbin haben geteidinget und uns voreynet mit den vorsichtigen wiesin mannen dem rate, reten und der ganczen gemeyne der stad Northusen und umme sunderlicher zcuneigunge willen fruntlicher irbitunge darinne sie sich gein und irczeigent haben und nach tegelich thun eyns sulchin mit on vortragen, also daz wir die selbin stad Northusen und die burger gemeinlichen darinne rich und arm in unsern schutz und beschermen genomen haben und sie desglichen unsern landen und luten vorteidingen, schutzcen und schirmen sullen und wullen, wo wir irer zcu eren und rechte mechtig sind, ane das wir irer zcu den heiligen nicht mogen nach sullen irhalden und sulch vorteiding sal vier gancze iare nach eynander nehst volgen weren daz erste jar also hute uf der Heiligen drier Koninge tag antreten sal und darnach also vier iar nacheynander zcurechen. Darum sie uns ader unsern erbin in fruntschaft schencken und geben eyns iclichen iares die wiele disse fruntschaft stehit zcweyhundert gute rinsche gulden, die sie uns semptlich in der stad Northusen unbekumbirt und unvorsprochens dinges sullen beczalen ane geverde. Auch haben wir gnanten graven und herren und unse erbin uns mit den egenanten borgen zcu Northusen wider vorrett, daz wir zcu iren teidingen sullen riten hir imme lande ader sullen dar zcu senden unser manne ab wir des von on gebeten wurden und ere und recht vor sie bieten und irer dar zu mechtig sein und daz thun uf ire kost, desglichin sie wider thun sullen ap wir sie in eyme sulchen bederfen werden. Auch reden und floben wir und unsererbin incrafft disses brifes, daz wir irer stad Northusen unde burger gemeinlichen bie allen iren friheiten, rechten, gewonheiten und gnaden behalden und lassen wullen, da sie vom heiligen riche mit begnadet sind, so sullen sie desselbin glich widerumb uns und alle die unser auch lassen bie allen friheiten und rechten, gewonheiten, so wir dann auch mit begnadet und begabet sind und als wir die bie unsern eldern und vorfaren herbracht und behalden haben ane alle argliste und geverde. So ist auch nemlichen beteidingt, daz wir unsern luten nach keynem burger von Northusen vorbiten usz der stad nach in der stad Northusen zcu furen, zcu triben nach czu cigen nach nymande weren ader weren lassen keynerleie were desglich sie unsern landen und luten auch thun sullen doch usgelossen getreidich an den garben, daz sal geschen zcu allen gecziten mit unser gunst und volbort. Auch werese ab sie in unsern dorffern ader gebiten ire fiende anquemen und mit on zcu schicken gewunnen, also daz eczliche frevele geschegen an husen ufczustosen, den frevel sulden sie den luten nach mogelicheid gelden in vier wochen und daruber keyne vorderunge mehir zcu on thun; werese auch daz ymand in irer stad Northusen stele und daz sie den dip ader ire echtiger eczliche anquemen in unsern gerichten, die mogen sie anfallen und da gerichte beten, daz on dann nicht geweigert werden sulde, desglich sie auch gein uns und die unsern so halden sollen. Weres auch daz unsere manne ader burgere dicheyner der wir mechtig weren an irer stad ader eczlichen irer burger schaden quemen in disser zciit die wile disse fruntschaft weret, wann sie uns daz vorkundigen, so wullen wir on danne des rechten ader fruntschaft binnen vier wochen helfen desglich sie uns auch widerumb thun sullen. Auch sullen wir gnanten graven unde herren unse erbin ader die unsern irer stad echtiger nicht husen, hegen, ader spisen heimlich ader uffinbar, wan uns ader den unsern daz zcu wissen gethan und eyn sulch echtiger gemeldet wurde, desgleich sie widerumb thun sullen. So ist sunderlichen beteidingt ap unser manne ader burger ader ymand anders mit irer burgere dicheyme zcuschicken hette umme gelthaftige schuld, so ensullen die ader der iren burger keynen, den die schuld nicht selbis anruret darumb nicht kummern, ader ufhalden, nach irer eyner sal vor den andern nicht pfand sein, desglich die iren auch thun sullen. Auch furderte irer burger eyner ader mehire geldhaftige schuld ader erbisgevelle in unsern steten ader landen ader unser burger ader die unsern in yrer stad, wo danne die schuld ader erbe angeclaget wirdet, da sal man sechs wochen deme, der da claget gulde ader recht helfen und was erbe ader erbisgefelle anruret, daz sal man nach der stete ader des landes, da dann daz erbe gelegen ist, eynunge, gewonheit und recht richten und esz darnach ane geverde halden. Vorder ist nemlichen beteidinget, ab esz geschege in sulcher zciit, die wile sie mit uns in gutlicheit sitczen, daz keynerleie zcweitracht entstunde von wasz sachen daz were. So haben wir entsampt zcwene irer burger nemlich wir gnanten grave Heinrich von Swarczpurg, Hansen Swelngrebil und wir grave Bote zcu Stalberg, Hansen Brakel zcu scheidesluten gekorn; darkegen die von Northusen auch zcwene gekorn, nemlichen von unsers grave Heinrichs von Swarczpurg wegen ern Hansen von Slatheim, rittere und von unsers gnanten graven Boten wegen Hanse nvon Blicherade in sulcher masse, weres daz sulche zcweitracht entstunde zuschen eczlichen under uns graven Heinriche von Swarczpurg gesessen uf eyne und den von Northusen unde den iren uf die andern siten, so sulden die zcwene scheideslute nemlich Hans Swelngrebil von unser wegen unde er Hans von Slatheim, rittere von irer wegen des zcu entscheiden macht haben in fruntschaft mit wissen ader in rechte ane wissen binnen eyme mande, wann und wie dicke des nod were; des selbin glich unsers vorgnanten graven Boten zcu Stalberg scheideslute und auch der von northusen scheideslute unser iglichen ort antreffenn auch zcu entscheiden macht haben sullen ane geverde. Gescheges auch daz sich die gnanten scheideslute an den rechten zcweyeten, so sind wir mit on des zcweiter ubirmanne eynwurden, als bie namen wir uf sieten ern Dietherichen von Tutchenrade, ritters in sulcher wiese. Weres daz die ansprache unser ader der unsern weren und die scheideslute obgnanten des nicht konden berichten als obgeschrebin stehit, so sulde unser obirmann ubir die geczweieten recht erkennen. Were auch die ansprache yrer stad ader irer burgere keyner so sal yre ubirmanne darubier daz recht ussprechen und waz danne die ubirmanne uf iglichen part irkenten ader welchin rechten sie zcufielen, daz sulde eynen vortgang haben und beiden partien daran wol gnugen. Ginge auch disser scheideslute ader ubirmanne keyner abe von todes wegen in disser zciit als disse fruntschaft stehit, daz got gnediclichen friste, ader zcoge pussen lande also daz man siner nicht gehaben mochte, so sulden wir gnanten graven und herren ader unse amptlute und die gnanten von Northusen mit uns entsampt mit on eynem andern an des stad giesen, der sich danne sulcher sache mit den andern, also vorgeschrebin ist, sal underwinden und sulche fruntschaft ader recht in zciid als vorberurt ist sal vorsuchen ader teilen ane geverde. Auch ist furder beteidingt weres daz sie ymand ader yre burgere keynen mit den westfelischen gerichten ader andern gerichten bedrangen wulde, wa wir irer dann mechtig weren und zcu rechte, daz sulden wir vor sie schreiben und bitten; wer sie dann darubier bedrangen wulde, des sullen und wullen wir on biebestendig sein und ab sie darubir mit unrechte verfolget wurden, so wullen wir sie vorteidingen glich unsern eygen burgern als vorberurt ist; und alle vorgeschrieben artikel sullen in yrer macht blieben und der stad Northusen keyne beswerunge thun ader thun lassen ane geverde. So haben wir uns des auch bered gemeynander; weres daz sie ymand wider ere und recht vehiden wulde, so sulden wir ere und recht vor sie schreiben und biten und sulden irer auch dar zcu mechtig sein. Weren wir dann des ader der, die sie also vehiden wulden nicht dar zcu mechtig des ader der vihend sullen wir in vierczentagen darnach nehistvolgende zcit unvorczoglichen werden, desglichen sie bie unsern landen und luten auch thun sullen usgelossen daz heilihe riche; wulde aber ymand uns vorgnanten grave und herren ader unser erbin wider ere und recht besundern schiden poben sulche volbitunge, ere und recht so die vorgnanten von Northusen vor uns wurden thunde ader getan hetten welche zciid danne wir andern obgnanten herreden sulche schide selbis nicht were anrurende vihend darubir wurde, so sulden die vorgnanten von northuen zcu stund und nicht ehir vihend werden, uszgelossen daz heilige rich, die von Erfferte und die von Molhusen, der vihend sie umme unser willen nicht werden sullen. Vorder haben sie usgeslossen die wiele disse gutlicheit stehit, die von Halberstad, Quedlingeburg und von Aschirsleiben in sulcher wiese als hirnach geschreben stehit. Weres daz wir gnanten graven unde herren entsampt ader unser keyner besundern mit den dren steten ader mit yrer keyner sunderlichen in unwillen zcu teidingen gewunnen ader sie mit uns, so sulde der rad zcu Northusen vor uns gein die stete ere und recht und auch desglich ere und recht vor die stete kegin uns schrieben und biten und sich darinne getruelichen bearbeiten, daz sulch unwille bewart und ap esz mit ichte gesien muchte in fruntschaft biegetan wurde, mochten sie des dann nicht masse finden, und daz wir gein die stete ader sie gein uns darubir mutwillen wulden wider ere undrecht, so sulden die von Northusen gemeine lute sein unde darczu stille sitczen und yrem keynen behulf thun ane geverde. So haben wir vorgnanten grave und herren usgelossen die erwirdigisten in got, vater und herren ern Gunther, erczbischofe czu Magdeburg, ern Diethrichen, erczbischofe czu Mentze und die irluchten hochgebornen fursten und herren hern Friedrichen und herrn Wilhelm, herczogen czu Sachsin etc. hern Ludewigen, lantgraven zcu Hessen unde die edeln Heinrich und Ernste von Honsteyn, der vihende wir umme yren willen nicht werden sullen ane geverde. Sunderlichen ist beteidinget weres sache daz wir wo wir irer also mechtig wenn von irer wegen zcu vehiden quemen ader sie von unsentwegen mit ymande zcu vehiden quemen, wann sie uns dann vormanten, so sullen wir zcehn mit gleuen bie sie in ire husz ader in unser slos ader stete legen, wo unse manne mit on irkenten da die hofelute aller bequemelichst legen uf unse kost desselben glich sie zcehn mit gleuen wann sie des vormant wurden bie uns in unse slosse, stete ader festen wo wir unse manne und sie mit uns irkenten, da daz bequemelichst were uf yre stad kost auch legen sulden doch also wann die gnanten von Northusen ire hofewergen bie unsen gnanten grafen eynen bisundern geleit hetten ader unsin keynem besundern dienten mit reysigme geczuge. So sullen sie die zciit usz ire hofewerg bie uns andern gnanten graven und herren zculegen und zcudinen vortragen sein und welche partie die andern hische, so sulde die selbige partie der andern, die also geeysched wurde, eynen tag und nach usrichtunge thun mit futtere und mit kosten und nicht furder, sundern furweg und herberge sal igliche partige der andern pflegen, die wiele sie bie on legen ane geverde; weres auch sache daz unser lande und lute ubirczogen wurden, so sulden sie volge thun mit reysigem geczuge, waz sie des zcu pferde ufbrengen mochten und ap unsern landen und luten warnunge quemen. Begerten wir danne in bete drissig ader fierczig schutczen ader spiszknechte, die sulden sie uns lihen und die sulden in unsern slossen, steten ader dorfern legen hir in unsern landen und nicht in den pflegen, Arnstete und Werningerade und unser lande und lute helfen schuczen, die sollen wir bkostigen; desselben glich sullen wir on auch in aller masse widerumb zuhalden und on mit unser reisigen habe, was wir der konnen uszgerichte zcu hulfe komen, iren flur, zcingele und stad helfen schutczen und weren ap sie des benotiget wurden und spiszknechte ader schutczen drissig ader vierczig on lihen, wan sie uns darumb beten und wan dann sulche vehide da eyn partige von der andern wegen zcu were komen sich zcu sune ader richtunge wurde zcihen, so en sal eyne partie ane die andern sich nicht aberichten. Gescheges auch daz sie mit uns ader den unsern ader wir ader die unsern mit on mit den vihenden zcu schicken gewunnen, also daz man da schaden und fromen entsampt neme, so sal man den schaden keren und irstaten mit deme fromen der da gewonnen wurde die wile icht da wer ubirtrete auch der schade den fromen, den sulde igliche partie liden were auch des fromen mehir dann des schaden, so sal man dann den fromen glich teilen nach anczal der gewopender lute, die zcu felde weren, da sulch frome genomen were; kemen wir auch mit on ader sie mit uns mit ymande zcu zcugriffe ader damen, also daz wir wader sie sulcher czugriff ader name von ere und rechtes wegen keren musten, welche partige dann sulches zcugriffes ader name von ere und recht wegen nicht behalden konden, die sal des macht haben zcukeren ane geverde. Das alle stucke und artikel disses brifes von uns obgnanten graven unde herren entsampt von unseme iglichen besundern und unsern erbin stete und gancz unvorbrochlichen sullen gehalden werden - des zcu bekenntnisse und warer sicherheit haben wir gnanter grave Heinrich von Swarczburg, der elder und grave Heinrich der junger unser iglicher sein ingesigel besundern und wir gnanter grave Bote auch unser ingesigel an dissen uffin brif lassen hengen, der gebin ist nach Cristi unsers herren geburt vierczenhundirt iar darnach in dem vierundefierczigisten iare am Montage Epiphanie domini.

Sprache des Originaltextes

deutsch

Nachweise

Textgrundlage

Stückangaben, Regest

Nordhäuser UB 2

Original

Nordhäuser UB 2

Zitierweise

Landgrafen-Regesten online Nr. 9154 <https://www.lagis-hessen.de/de/subjects/idrec/sn/lgr/id/9154> (Stand: 19.04.2024)