Die von Bobenhausen schwören Urfehde

Regest-Nr. 11605

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Glaser, Geschichte der Stadt Grünberg Nachdr., S. 203 f. Nr. 25.
Regesten:	Glaser, Geschichte der Stadt Grünberg Nachdr., S. 203 f. Nr. 25.

Regest

Die Brüder Gerwig, Heinrich und Kunz von Bobenhausen, sowie Diemar von Bobenhausen schwören dem Landgrafen Urfehde.

Originaltext

Ich Gerwig, Hintze, Contze, gebrudir, von Babinhausin und dymar bekennen uffinliche an disme geinwortigin bryfe allin den, dy in sehin, horin odir lesin, daz wir in truwin und zu den heilgin gesworin hain, daz wir nummir getun sullin wider unsir gnedigen hern den landgreben adir widir sin land und lude. Und han darvor zu borgen gesaz die bescheidin lude, unse frunde, dyderich von Manefelt, Conrad leyen von veltkreckin, vulzin von manefelt, Gerhard von Lysscheid, Eckarden und Henne Scheffir von Babinhusin, di semptliche unse borgen wordin sin an dysme brife. Weriz daz dysir vergeschribin rede bruch werde, wanne danne unsir vorgenant borgin gemaint wordin von eyme amptman zu Grumberg adir von eyme borgirmeistir, so suldin sy infahren und leistin zu Grümberg in eyme offin herberge bie vierzehn nechte, nach deme tage daz sy gemaint werden, vor hundert schillinge tornosin, und suldin uz der leistunge nummir kumin, biz daz haubitgeld, azunge und bodinlon genzliche und gar bezalit wurde und virguldin, ez were danne mit willin unsis gnedigen hern des lantgrebin. Weriz auch, daz der vorgenant borgen einre abeginge von todis wen, das god nicht ingebe, so sulden wir einen andirn als gudin an die stad sezin, by eime mande nest dar nach. Dedin wir des nicht, so suldin di andir borgen infaren und leistin als lange biz daz iz geschee und suldin dez dun als dicke alz ez bruch wurde. Des wir dy vorg. Borgen bekennen daz wir borgen sin in allir der maze als vorgeschribin sted, und redin gutlichin zu leistin an allerley hinderhalt und notrecht, wy man ez irdencken mag. Des zu eime orkunde besigiln wir dysin brif mit yngesigil Claus von Engilhusen, ein borgman, und undir yngesigil Claus von Sasschin, ein borgermeistir zu Grumberg, dy wir dy borgen vorgen. und dy selpschuldigin semptliche dar umme gebin hain. Des wir Claus von Engilhusin und Claus von sasschin bekennen, daz wir durch bede willin Gerwigis, Heinzen, Conzen, dymar von Babinhusin, dyderich von manefelt, Conradin Lyin, vulzin von Manefelt, Gerhard von Lysscheid, Eckhardin und Henne Scheffir von Babinhusin unsir Ingesigil vor sy an dysin brif han gehengit. Datum a.d. MCCCLXIIII feria sexta ante Lucie viiginis.

Sprache des Originaltextes

deutsch

Nachweise

Weitere Personen

Bobenhausen, Gerwig von · Bobenhausen, Heinrich [I.] von · Bobenhausen, Kunz von · Bobenhausen, Diemar von · Hessen, Landgrafen, Heinrich II. · Manefeld, Dietrich von · Leyen, Konrad, aus Feldkreckin · Manefeld, Vulzin von · Lysscheid, Gerhard von · Scheffir, Eckhard, aus Babenhausen · Scheffir, Henne, aus Babenhausen · Engelnhausen, Klaus von

Weitere Orte

Grünberg, Amtmänner · Babenhausen · Feldkreckin · Grünberg, Bürgermeister

Sachbegriffe

Urfehden · Bürgen · Amtmänner · Bürgermeister · Einlager · Boten, Lohn für · Burgmannen

Textgrundlage

Stückangaben, Regest

Glaser, Grünberg

Original

Glaser, Grünberg

Zitierweise

Landgrafen-Regesten online Nr. 11605 <https://www.lagis-hessen.de/de/subjects/idrec/sn/lgr/id/11605> (Stand: 25.04.2024)