Der Deutsche Orden besorgt einen Kredit für Landgraf Heinrich

Regest-Nr. 11588

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Deutschorden. Pergament, die durch Klammern und Punkte bezeichneten Stellen sind durch Moder vernichtet. Siegel: 1) abgefallen; 2) Bruchstück, rund, im Siegelfeld der landgräfliche Helm; Umschrift: S' OTTONIS ....
Drucke:	Wyss, Urkundenbuch der Deutschordens-Ballei 3, Neudruck, S. 31 f. Nr. 1029.
Regesten:	Wyss, Urkundenbuch der Deutschordens-Ballei 3, Neudruck, S. 31 Nr. 1029.

Regest

Borken. - Landgraf Heinrich von Hessen bekundet, daß die Deutschordenshäuser Marburg und Reichenbach gegen Verpfändung einer Rente von 20 Mark bei genannten Bürgern zu Göttingen für ihn 200 Mark Silber aufgenommen haben, und verpfändet ihnen dafür seine Gült von der Neumühle und seinen Zehnten zu Schröck.

Originaltext

Wir Heinrich von gots gnaden lantgrebe zu Hessin bekennen uffinlich an disem briefe vor uns und unse erbin und tun kunt allen luden, dy en sehen odir horin lesin, daz wir dy geistlichin lude brudern Johan vom Hayn commerthur und dy brudere gemeynlich des Tutschin hus zu Marpurg, bruder Hartman von schrickede voyt zu Richinbach und dy brudere gemeynlich des selben ordins, unse lieben andechtighen, gebedin haben, daz sij dorch unse liebe und sunderliche fruntschaft zcwenczig marg geldes lotiges silbirs Gottingischer gewichte und wize jerlicher gulde uf sich und ir husir Marpurg und Richinbach gud und gulde, dy dor zu gehorin, virkoift han umme zcwey hundert marg lotiges silbirs Gottingischir gewichte und wize, dy in unsirn nucz komen sin und an gereydeme gelde von yn ufgehaben han. Und dyse vorgenante gulde habin sij von unsir wegin virkoift Herman Gyselers, Conrad Fritage und irn sonen borgern zu Gottingen, als der brif besagit, den sij dor ubir gegeben han. Vor diese vorgenante gulde han wir en gesazt und setzen en mid disem briefe alle unse gulde an weyze, an ko(rne und) an gelde, dy sij uns jerliche gebin zu ir selbis mullen dy da heizit dy Nuwe mulle, gelegin ........ und unsern zcehenden zu Schrickede mid alle syner zugehorin, daz sij dy getruwelich inhabin .......... als lange, biz wir dy vorgenanten zcwey hundert marg den egenanten koifern zu Gottingin ..... Und yn dy obgenanten ir gulde gelosin, dy sij vor uns virkoift han. Und wan daz geschen ist, so .... Unsir gulde und zchende vorgenant lediglich widir gefallen. Wir sullen ouch der vorgenanten gulde bynnen dysen nestin zcwen jarin nicht losin, als sij sich des vorschrieben haben, und wan wirs dor noch losin wullen, so sullen wirs en eyn virteil jaris vor sagin und sullen daz vorgenante gelt, mid namen zcwey hundert marg, bezcalen vor sij zu Gottingen in der stad noch ludunge irs brifis mid der gulde dy dan irschynnen ist. Ouch ist gered, wilche zcit sij gemant wurden von den vorgenanten koyfern dy gulde zu losene, eyn virteil karis vor, nach dem als sij sich en vor uns verschrieben han, und sij uns daz lizen virsten, so sullen und wullen wir dy zcwey hundert marg obgenant beczalen bynnen dem virteil jaris mid der gulde, dy dan irschynnen were, an allen irn schaden. Und wir Otten von der egenanten gnade gots junger lantgrebe zu Hessin bekennen mid unsern erben, ob unsirs egenanten herin und vatir zu kortz wurde, deme god lang lebin lyhe, daz wir dy egenanten stucke und artikel stede und veste unverbruchlich haldin wullen, als vor sted geschrieben, ane geverde. Dijs zu orkunde geben wir Heinrich und Otte vorgenant disen brif virsigelt mid unsern ingesigelen nach Cristes geburth drizchen hundert in dem dry und sesczigistin jaren, an der uffart unsers herin, zu Borkin.

Sprache des Originaltextes

deutsch

Nachweise

Weitere Personen

Hessen, Landgrafen, Heinrich II. · Hayn, Johann von, Komtur des Deutschen Ordens in Marburg · Schröck, Hermann von, Vogt des Deutschen Ordens in Reichenbach · Giseler, Hermann · Freitag, Konrad · Hessen, Landgrafen, Otto der Schütz

Weitere Orte

Marburg, Deutscher Orden · Borken · Göttingen, Bürger · Schröck, Zehnt · Reichenbach, Deutscher Orden · Göttingen, Währungen

Sachbegriffe

Deutscher Orden · Finanzen, landgräfliche · Pfandschaften · Renten · Währungen, Göttinger · Zehnte · Mühlen, Einkünfte aus · Darlehen, Sicherheit für

Textgrundlage

Stückangaben, Regest

Wyss, UB Deutscher Orden 3

Original

Wyss, UB Deutscher Orden 3

Zitierweise

Landgrafen-Regesten online Nr. 11588 <https://www.lagis-hessen.de/de/subjects/idrec/sn/lgr/id/11588> (Stand: 19.04.2024)