Bündnis zwischen Hanau, Falkenstein, Isenburg und Hessen

Regest-Nr. 12009

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Landau, Ritter-Gesellschaften, S. 156-158 Nr. 34.
Regesten:	Landau, Ritter-Gesellschaften, S. 154 Nr. 34.

Regest

Philipp, Herr von Falkenstein und Münzenberg, Ulrich Herr von Hanau und Johann von Isenburg, Herr zu Büdingen, schließen mit Landgraf Hermann von Hessen eine Vereinigung.

Originaltext

Wir Philips Herre zu Valkinstein und zu Minczenberg, Wir Ulrich Herre zu Hanauwe, und wir Johann von Ysinburg Herre zu Budengen, bekennen uffintlich an dießen geinworthegin bryffe, daz wir uns geeyngit han, mit dem hochgeborn Fursten Lantgrave Herman Lantgraven zu Hessen, und wir vireynigen uns uns mit eyn ander und mit eyn in dießen bryffe, zcuschin hie und sant martins dag nehist komet, und von dem sant martines dage furt ubbir eyn iar, in allir der maße als her nach geschrebin stet, zu dem ersten ist geredit, daz unser keyner widder den andern tun sal in dirre vergnante zyt, oder daz unser keyner widder den andern geleide geben sal in unßin sloßin, dem riche zu eren unßir straßin schurin und schirmen, und unßer iglicher dem andern dar zu getrulich behulffen sin, auch ist geret were is sache, daz unser keyner manne burgmanne oder diener hette die zu unser keyme hetten zu sprechen, gnuget dem oder den an rechte vor den dryn, die wir dar ubbir han gekorn, daz sal yme unser eyner laßin widderfaren, zu wilcheme er also haid zu sprechene, wilcher unser des ußginge, und enwolde dem nicht recht lassin widderfaren, als vorstet geschriebin, so mag yn der husen und halden, des man burgman oder diener er ist, zu syme rechten, iz ist auch gered, wilcher unser manne burgman oder dyener des nit bliben enwolden vor den dryn zum rechten, den ensulde unser keyner husen oder halden, oder virantwurten, oder ensulde auch keyn geleide han von uns, me ist gered, daz die dry die wir also han gekorn, nit me uß riechin ensullen, dan daz sich in diesir vorgenanten eynigunge und zyt herliffe, so sal der egnante Lantgrave Herman zu Hessen eynen dar zu geben unverzoginlich wanne er dar umb femanet wirt so sullen wir die egnante dry Herren, auch eynen dar zu geben, und darzu sal Her Herman von Elkirshusen ritter, eyn dritter und ungerader sin, und die dry sullen byn vierzehin dagen dar by ryden nach dem, als sie gemanet werden, und besuchen, ob sie daz entscheiden konnen, konnen sie adir daz nit entscheiden, so sullen sie byn eyme mande ende geben darnach allir nehist, alle diese vorgeschrebin artikele und ir iglichin besunder, han wir under eynander gelobit und geret stede und veste zu haldene, ane geverde und argelist. Des zu urkunde han wir egenante Herren, unser ingesigele an diesen bryff tun henken, der gegeben ist nach xpi geburthe druzehin hundirt iar dar nach in dem funff und siebinzigistem iare des samestage nach unser frauwen dag als sie zu hiemel vur.

Sprache des Originaltextes

deutsch

Nachweise

Weitere Personen

Elkershausen, Hermann von · Hessen, Landgrafen, Hermann II. · Falkenstein, Philipp [III.] von · Isenburg-Büdingen, Grafen, Johann II. · Hanau, Herren, Ulrich IV.

Weitere Orte

Falkenstein, Herren · Münzenberg, Herren · Hanau, Herren · Isenburg, Grafen · Büdingen, Grafen

Sachbegriffe

Bündnisse, zeitlich befristete · Geleitswesen · Straßen, Sicherheit auf · Burgen · Burgmannen · Schiedsrichter · Ritter

Textgrundlage

Stückangaben, Regest

Landau, Rittergesellschaften

Original

Landau, Rittergesellschaften

Zitierweise

Landgrafen-Regesten online Nr. 12009 <https://www.lagis-hessen.de/de/subjects/idrec/sn/lgr/id/12009> (Stand: 20.04.2024)