Revers der Stadt Kassel über das Schankprivileg Landgraf Hermanns

Regest-Nr. 16617

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Urk. 13, Nr. 867.
Stückbeschreibung:	Pergament, modergeschädigt.
Siegel:	Anhängendes Siegel verloren.
Abschriften:	Staatsarchiv Marburg, Urk. 13, Nr. 868, Abschrift F. Ch. Schmincke von 1768, Papier.

Regest

Revers der Stadt Kassel für Landgraf Hermann II. von Hessen über die Verleihung des Rechts, Bier zu brauen, zu schenken und zu verkaufen und den Preis dafür nach Belieben festzusetzen, doch ohne Nachteil für den landgräflichen Bierkauf in der Stadt.

Wortlaut der Datierung

Datum anno Domini Mo CCCo nonogesimo quinto in die beati Andree Apostoli.

Originaltext

Wir burgermeistere, scheffen unde burgere gemeynlichin der stad zu;e Cassel bekennen vor uns unde unser nochkomen uffintlich an duße briffe, daz uns der hochgeborne furste unser gnediger juncher juncher Herman lantgrave zu;e Hessen vor sich unde syne erben dii gu;enst unde gnade gethan hait in crafft sines briffis, daz wir vortme ewiglich noch datum dußis briffis [ma]cht haben soln byer zu bruwen in der stad zu;e Cassel unde daz schenken unde virkou;effen unde alle jerlich uff unde abe zu;e seczende wii daz uns unde der stad zu;e Cassel eben unde bequemelich ist, doch also daz das unschedelich sii unserm junchern egenant, synen erben unde nochkomen an irem byrkouffe als hirnach geschreben steit unde andirs da nymant [bye]r zu schenken, der zu;e Cassel nicht seße adir fremde [byer] dor zu;e furende, ez wolde dan ei[ner] selbis in s[ynem hu]se trinken. Doch also mit sulchem undirscheide, daz wir unserm junchern egenant, synen e[rbe]n unde [no]ch[komen] zu;e kouffe geben soln unde woln y ein fudir byers vor dry phunt heschir phenige zu [iren noden als wir] und als digke sii dez bedorffen ane geverde. Und soln wir unde unser nochkomen uns darwiddir nicht seczen, sundern wir soln besteln, ob sich ymand dorwiddir seczete, daz en daz volge wo sy daz kouffen woln ane geverde en unde iren amptluden von irer wegen alse vor geschreben sted daz sie unde ire amptl[ude d]orane ungehindert bliben. Hirumbe unde umbe bru;eche, dii unsir middeburgere ein teils gethan hatten, han wir unsern junchern egenant ge[re]it mid fu;enf unde czwenczig hu;endirt gulden alse dii briffe uzwysen d[y] der [vorg]enante unser junch[er un]d [wir un]direynandir dorobir gegeben han. Dez zu;e orkunde haben wir obgenante [burgerm]eistere, scheffen unde burgere gemeynlich unser große ingesigel der stad zu;e Cassel vestiglichin an dußin [briff la]ßen hengen. Datum anno Domini Mo CCCo nonogesimo quinto in die beati Andree Apostoli.

Sprache des Originaltextes

deutsch

Nachweise

Aussteller

Kassel, Stadt

Empfänger

Hessen, Landgrafen, Hermann II.

Siegler

Kassel, Stadt

Weitere Orte

Kassel (Stadt Kassel)

Sachbegriffe

Bürger · Bier · Braurechte · Schanklizenzen · Amtmänner · Währungen, hessische Pfennige · Bürgermeister · Schöffen · Privilegien

Textgrundlage

Stückangaben, Regest

Eckhardt, Stadtrechtsquellen Kassel

Original

Eckhardt, Stadtrechtsquellen Kassel

Zitierweise

Landgrafen-Regesten online Nr. 16617 <https://www.lagis-hessen.de/de/subjects/idrec/sn/lgr/id/16617> (Stand: 23.04.2024)