Marburg verkauft dem Amtmann Heinrich Cluder einen Jahreszins

Regest-Nr. 11007

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Generalrepetitorium Marburg. Pergament, mit anhängendem großen beschädigten Siegel der Stadt Marburg. Geschrieben von Johann Hottermann.
Drucke:	Küch, Rechtsgeschichte Marburg 1, S. 114 f. Nr. 52.
Regesten:	Küch, Rechtsgeschichte Marburg 1, S. 114 f. Nr. 52.

Regest

Die Stadt Marburg verkauft dem Amtmann Heinrich Cluder zu Homberg a.O. und Gele, seiner Ehefrau, einen Jahreszins von 16 Gulden und 4 Turnosen, die ehemals Richard von Londorf gehörten, für 164 Gulden, die dem Landgrafen Hermann zu Nutz gekommen sind.

Originaltext

Wir burgermeistere, scheffin, rayd unde gemeyne stat, dii in dy pharre zu Marpurg gehorent, bekennen vor uns unde vor alle unse nochkomelynge uffentlichen an disem briffe, daz wir von geheiße dez hochgeborn forsten unsers gnedigin junghern, junghern Herman lantgreben zu Hessin unde syner erben unde mit gudem willen semtlichen unde eyntrechtlichen durch der vorgenanten unsir stat nod unde nůtzes willen rechte unde redelichen vorkofft han Heinrich Cluder, amptmann zu Hohinburg, Gelen, syner elichin wirtin, unde ern rechtin erben seßcehin gulden geldes, gud von golde unde swer gnůg an gewichte, odir werunge darvor zu beczalne, alse zu der zciit zu Marpurg genge unde gebe ist, unde vyr thornose geldes, dii vorwilen Rychardes von Lundorff waren, dii wir unde unse nochkomelinge en unde ern erben alle jare geben unde beczalen sullen zu Marpurg uff den achtzenden dag zu wynachtin an allen vorzug unde widerrede. Herumme han sii hundertundevyrundesechczig gulden gegeben unde wol beczalit, dii in dez vorgenanten unsers gnedigin junghern dez lantgreben nůtz unde schult komen sin. Ouch wilches jares wir odir unse nachkomelinge sumyg wurden unde en dii vorgenante gulde uff den egenanten dag nicht beczalten, so mogin sii zwene zu uns den scheffin unde zwene zu uns deme rade heischin dii sullen en unforzuglichen in leistunge faren zu Marpurg in eyne herburge, darin sii von en odir von ern boden gewiset werden, unde darinne leisten alse lange, biiz daz en alle vorseßin gulde, leistunge, bodenlon unde alle kost beczalit wirt genczlichen unde zumale. Unde wer ez sache, daz en dii leistunge vorczogin wurde wider ern willen, odir ob dii, dy geheischin wurden, en leistunge vorgingen, so han wir en erloybit, alle unse phande darvor anzugriffen unde dii zu nehmen mit gerichte odir ane gerichte, ane clage unde ane alle widerrede, unde sii sullen mit den ohanden phentlichen gewerben. Ouch weme Heinrich unde Gele vorgenant dii egenante gulde vorkouftin, vorsetin odir ufflißin, den sullen wir sii gutlichen geben unde beczalen glicherwiiz als en selbir. Ouch ist gered, uff welich ja wir odir unse nochkomelinge komen zu Henrich Cluder, Gelen, syner wirtin, odir ern erben vorgenant vor dem achczenden dage zu wynachtin unde můden en, daz sii uns dii vorgenante gulde vor hundertundevirundeseßcig gulden, gud von golde unde swer an gewichte, odir werunge darvore, alse zu der zciit zu Marpurg genge unde gebe ist, wider zu koufe geben, daz sullen sii tun ane alle widerrede ...
Datum anno domini M°CCCLXXXIII° feria quarta in festivitatibus paschalibus.

Sprache des Originaltextes

deutsch

Nachweise

Weitere Personen

Cluder, Heinrich [I.] · Cluder, Gele, Frau Heinrichs [I.] · Londorf, Richard von · Hessen, Landgrafen, Hermann II.

Weitere Orte

Marburg · Homberg a.O., Amtmänner

Sachbegriffe

Verkäufe · Renten, Verkauf von · Ehefrauen · Jahreszinsen · Finanzen, landgräfliche · Bürgermeister · Schöffen · Bürgen · Herbergen · Amtmänner

Textgrundlage

Stückangaben, Regest

Küch, Rechtsgeschichte Marburg 1

Original

Küch, Rechtsgeschichte Marburg 1

Zitierweise

Landgrafen-Regesten online Nr. 11007 <https://www.lagis-hessen.de/de/subjects/idrec/sn/lgr/id/11007> (Stand: 23.04.2024)