Landesgeschichtliches Informationssystem Hessen

Regesten der Landgrafen von Hessen

1380 August 18

Burgfriede für Fürsteneck

Regest-Nr. 10976

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: A: Fürstliches Archiv Arolsen.
B: Staatsarchiv Marburg, Urk. 1, Nr. 3634 ⟨Altsignatur: Staatsarchiv Marburg, Samtarchiv, Nachtrag 3, Nr. 74⟩.
Stückbeschreibung: B: Pergament, löchrig, stockig, fleckig, aufgezogen (lt. Findbuch).
Siegel: A: In dem Umschlag des Urkundenpergaments sind zwar drei Einschnitte, durch welche die Striffel zu dem anzuhangenden Siegel gezogen zu werden pflegen; doch findet sich nur zur heraldischen Rechten das in gemeines Wachs abgedruckte Siegel des Landgrafen, ebendas womit dieser Herr im Jahr 1371 den Burgfrieden zum Freyenhagen besiegelte. Die beiden gräflichen Siegel fehlen, sagar die Striffel dazu; B: Die drei Siegel fehlen (lt. Findbuch).
Drucke: Varnhagen, Regentengeschichte, S. 187-191 Nr. 91
Regesten: Varnhagen, Regentengeschichte, S. 187 Nr. 91; Staatsarchiv Marburg, Findbuch zum Samtarchiv, Nachträge, Kasten 190, Nr. 73.
Regest
Burgfrieden über die Fürsteneck, von dem Landgrafen Hermann von Hessen und den Grafen Heinrich und Adolph von Waldeck aufgerichtet Sonnabends nach Maria Himmelfahrt oder am 18. August 1380.

Wortlaut der Datierung

der gegebin ist. ame Sunnabende nach unsir liebin frauwin tage. wurzwihe. Nach Gots gebuert. Thusent. Dryhundirt. In dem Achtzigstem Jare.

Originaltext
Wir von Gots gnadin Herman Lantgreve ztu Hessen. Wir von denselbin gnadin Heinrich Grave ztu waldegke. und wir Adolff, desselbin Graven Heinrichs son. Bekennen offintlichin In dießem brife. vor uns. und alle unsir ... erbin. und thun kunt allen landen. die dießin Brieff sehent. Adir horen lesen. Daz wir mit rade unsir frunde eynen rechtin Buorgfrede begriffen han. und begriefin En In dießem briefe. In unsir Burgk furstinegke. Also, daz der Burgfrede sal gehen. alse wyt. alse dieselbe Burg begrieffen hat, von Gebuwe. bynnen und enbußin. und von dannen derselbin Burgk bijs In den fordt dy da get durch daz waßir genant die Elbe bijs ztuo Hoenscheit zuo. und von demselbin fordte, die Elbe hinabe. als die get. bijs gegin den Hoeff ztu wedilberge. und von dannen bij gruond hin uff die von dem hoefe get, bijs an den weigk die da get von der Nuwinburg, bis In den Egenantin fordt ztu hoenscheit. und alse wyt und lang, als ztuischin den Ebenantin Malstedin begrieffin ist. Also, daz unser keyner, adir die synen, In den Ebenantin Burgfrede steden, als der vorbegrieffin und undirscheidin ist, an den andirn. an synen lip, syn gud. synen Amptludin. knechtin. gesynde. waz uns zu beidin syten ztugehorit, und ztuvorantwurtin stet, nicht grieffin sal. adir unsir eyner dem andirn keynen schadin In dem vorbenantin Burgfrede thun sal. adir die synen thun laßin anegeferde. Were abir. daz ymant In den Ebenantin Burgfrede grieffe. adir griefen wulde. unsir eynen, adir uns beide ztubeschedigende, adir an die. die uns von der Ebenantin unsir ... Burg und Burgfreds wegin. geburtin ztuvorantwurtene. daz sal unsir eyn dem andirn, mit den synen truweliche helfin werin. und vorantwurtin wie wir darzu kummen muogin. als digke des noit geschiit ane geferde ... were ouch, daz eynich ufflouff, adir zweitracht geschee, von unsirn ... Amptludin, unsirn knechtin. adir andirs von den unsirn. In dem Ebenantin Burgfrede. als von wortin. adir von andirn sachin. dar keyne wuonden, nach toitslag von quemen. wilchirley der unsirn vorgeschrevin daz tede, dar sulden die andirn ztu Ilen. und kummen. und daz fruntlich undirneme. und richtin gutliche. als ferre. als sie ummer kundin anegeferde ... Kunden und mochtin sie abir des nicht getun. so sulden und wulden wir uff beide syten. unsir yglichir Czwene syner frunde gegin einander ztutagin senden. byn den nehstin Acht tagin darnach, als die ufflouff, und zweitracht geschen were. und daz an uns queme. die daz bynnen den nehstin viertzennachtin. als daz an sie kummen were. ane virzoig. nach fruntschaff adir In dem rechtin richtin und hynelegin sulden ane geferde ... wuordin abir die viere Ebenantin zweyende. alse von der Ebenantin sache wegin. so han wir uff beidersyt ludewige von wildungin unsirn liebin getruwin ztu eyme funfften gekorin. und wilchen Czweyn der Ebenantin vierer der funfte In dem rechtin bestunde. dar sulde uns beiden wol ane gnuogin. und waz. als von den viern. adir sunstin vorgeschrevin uzgesprochin wurde. daz sulde unsr yglichir dem andirn unvortzoiglichin thun und von yme nehmen anegeferde ... were ouch, daz In dem Ebenantin unsirm Burgfrede wuonden, slege. adir stoße geschen. den adir die. die daz tedin. suldin die andirn von stunt anegriefen. ufhaldin, und behaldin. als lange, bis der adir die. dem adir den, daz geschen were. ztu lybe blebe, adir storbe. wilchir der eyner gesche, der adir die. die dann daz getan hettin, suldin daz vorbeßirn, und richtin, nach Burgfreds rechte. und were, daz der, adir die. die die geschicht getan hettin enweig quemen. daz men den adir die nicht gehabin mochte. den adir die suldin unsir keyner In synen ... Sloßin, adir In syme lande, nach In syn gebiet nehmen. nach keyne furwurte dar ynne habin. dann, als schiere, als wir adir die unsirn den adir die begrieffin. so sulde der adir die daz richtin, und vorbeßirn. so sulde der adir die daz richtin, und vorbeßirn. als vorgeschrevin ist anegeferde .. were ouch. daz wir undir uns selbis, adir unsir ... Amptlude. die wir uff der Ebenantin unsir Burg ztugezijden habin. adir ymant von unsir wegin. dießin vorgeschrevin unsirn Burgfrede. adir andirs unsir briefe. die wir undir einander obir die vorgenantin, unsir Burg gegebin habin. vorbreichin. in wilchin sachin daz were. wann dann unsir eyner von dem andirn darumbe gemanet wurde. die sulde unvorzogeliche dar zu dem andirn legeliche tage bescheidin. und yme uff dem tage tun, wes her yme nach ... Buorgfreds rechte phlichtig were ... were abir. daz unsir eyner daz dem andirn vorzoige und nicht tede ... wann dan den der andir darumbe eischte, und manete. und manen ließe. mit synen Briefin, adir bodin. adir wo dann wys, her En manete. so sulde der unvorzoigliche. bynnen den nehstin Acht tagin. als her gemanet were. dem andirn bynnen Czwelff pherdin Inriden. In des andirn ... Sloße eyme. daz des andirn lande allir nehst lege. und allir ebenst were. und darynne blibin als lange. bijs her den gebreichin, dem andirn genzliche richtede. und kerte. und sulden daz blibin. bie den vieren. und sunstin, die daz scheidin suldin, als vorgeschrevin ist ... wilche zijt ouch der vorbenante Ludewig von wildungin. von todis wegin abeget, daz got lange vorzihe. So suldin wir bynnen dem nehstin Mande darnach eynen andirn ztu eyme funftin, und ungeradin. an lodewigs vorgenant stat kysen, als digke des noit geschijt, der uns von beiden syten. unsir eyme als dem andirn glich bequeme sie. an alle geferde .. wilche ... Amptlude wir ouch uff die Egenantin Burg setczin. die sollin uns globin und swerin dießin Brieff. und alle unsir briefe ztuhaldene. die wir undir einander obir die Ebenante unsir ... Burg . gegebin habin ane geferde ... dießin vorgeschrevin Burgfrede und alle Ebenante stugke. rede. und artikele. semtlichin. und Irn iglichen besundirn habin wir. Hermann Lantgreve ztu Hessen. wir Heinrich Grave ztu waldegke. und wir Adolff des vorbenantin Graven Heinrichs soen. vor uns. und alle unsir . Erbin, unsir eyner dem andirn In guden truwin globt. und ztu den heiligin gesworin. und globin. und swerin. in dießem Briefe stete. und veste. unvorbrochlich ztuhaldene, sundirn alle argelist, ane geferde ... dijs ztu Orkunde. hat unsir iglichir syn Ingesigil, vesticlichin, an dießin Brieff laßin hengkin .. der gegebin ist. ame Sunnabende nach unsir liebin frauwin tage. wurzwihe. Nach Gots gebuert. Thusent. Dryhundirt. In dem Achtzigstem Jare.

Sprache des Originaltextes

deutsch

Nachweise

Aussteller

Hessen, Landgrafen, Hermann II. · Waldeck, Grafen, Heinrich VI. · Waldeck-Landau, Grafen, Adolf III.

Empfänger

Hessen, Landgrafen, Hermann II. · Waldeck, Grafen, Heinrich VI. · Waldeck-Landau, Grafen, Adolf III.

Siegler

Hessen, Landgrafen, Hermann II. · Waldeck, Grafen, Heinrich VI. · Waldeck-Landau, Grafen, Adolf III.

Weitere Personen

Wildungen, Ludwig [I.] von

Weitere Orte

Fürsteneck (Lkr. Kassel), Burg

Sachbegriffe

Burgfriedensschlüsse · Grafen

Textgrundlage

Stückangaben, Regest

Varnhagen, Waldeck

Original

Varnhagen, Waldeck

Zitierweise
Landgrafen-Regesten online Nr. 10976 <https://www.lagis-hessen.de/de/subjects/idrec/sn/lgr/id/10976> (Stand: 29.03.2024)